21/03/2010
Jorge García Arribas. Estudo sobre a mobilidade no polígono de Pocomaco. Santiago 2010.
Comisións Obreiras presenta un novo documento para o debate social sobre un tema tan importante como o da mobilidade das persoas na área metropolitana da Coruña. Neste caso é un estudo sobre a mobilidade de traballadores e traballadoras do Polígono de Pocomaco, que evidencia as notables carencias no sistema de transporte e apunta as posibles solucións.
As liñas xerais das conclusións deste primeiro documento sobre a mobilidade nos polígonos industriais ou comerciais son extrapolables aos demais da nosa comarca, cuxos traballadores e traballadoras son vítimas das insuficiencias, incapacidades e desidia dos poderes públicos para pór en marcha sistemas racionais e de desenvolvemento sostible que contribúan á saúde e o benestar da poboación.
As conclusións deste estudo deben axudar a resolver un sistema caótico, caro e agresivo co medio, baseado na utilización masiva do vehículo particular, que ademais contravén as políticas de mobilidade da Union Europea.