25/02/2004 Edición ao coidado de Victor Santidrián
O libro” Diario del soldado republicano Casimiro Jabonero. Campo de prisioneros de Lavacolla. Prisión de Santiago de Compostela 1939-1940″, editado pola Fundación 10 de Marzo, en colaboración cos concellos de Santiago de Compostela e de A Coruña e o Centre d´Estudis sobre les Époques Franquista i Democrática (CEFID), da Universitat Autònoma de Barcelona, presenta en forma facsimilar o diario dun soldado republicano de militancia socialista que acadou durante a Guerra Civil española o grao de tenente do Exército Popular. Por este feito, pasou varios meses no campo de concentración de Lavacolla, un ano na cadea de Santiago de Compostela e, finalmente, tivo que prestar servicio militar no exército franquista, encadrado nun batallón disciplinario destinado en Ceuta. O seu diario, documento único no seu xénero.
O diario, presentado en forma facsimilar, está contextualizado por unha semblanza biográfica de Casimiro Jabonero, redactada polo seu fillo Mariano. O volume inclúe, ademais, un estudio sobre o sistema concentracionari o en Galicia, da man de Víctor Manuel Santidrián Arias, tamén autor da transcripción anotada do diario, así como a reproducción de documentos relacionados cos batallones disciplinarios de soldados republicanos que traballaron como prisioneiros na ampliación do aeroporto de Lavacolla na primeira metade dos anos corenta do século XX.