01/01/2009
A Fundación 10 de Marzo publica o libro Fernando Hoyos. Na memoria do pobo. En la memoria del pueblo.
“Na memoria do pobo. En la memoria del pueblo é un libro homenaxe ao xesuíta vigués Fernando Hoyos (1943-1982), que morreu combatendo coa guerrilla guatemalteca. Como escribe Eduardo Galeano neste volume, “Hombres y mujeres como Fernando Hoyos nos enseñan, en cambio, desde su casi silencio, desde sus vidas casi anónimas, que las relaciones de compraventa no son los únicos vínculos posibles entre los países y las gentes”.
No libro, do que son coordinadores e autores Pilar Hoyos de Asig, Antonio Blanco Carballo e Enrique Corral Alonso, colaboran escritores das dúas beiras do Atlántico: Xosé Neira Vilas, Jesús Bengoechea Cermeño, Eduardo Rolland, Carmen Becerra, Juan Hernández Pico, Anxo Currás, Omar Contreras, Yolanda Díaz, Vicente Araguas, Antón Martínez Aneiros, Marilar Aleixandre, Ricardo Falla, Camilo Nogueira, Xesús Alonso Montero e Eduardo Galeano.
O libro é unha colaboración da Fundación 10 de Marzo cos Concellos de Narón, Viveiro, Ferrol, Fene, Lugo, Oleiros e a Fundación Guillermo Toriello, de Guatemala, país ao que está destinada unha parte da edición”.